თეირანი მაქსიმალურად ეცდება ნავთობმოპოვება გაზარდოს. ამის შესახებ ირანის ნავთობის მინისტრმა განაცხადა. ბიჯან ნამდარის თქმით, სხვა გამოსავალი ირანს უბრალოდ არ აქვს, რადგანაც, წინააღმდეგ შემთხვევაში ბაზარზე საკუთარ ადგილს დაკარგავს. ირანული ნავთობი საერთაშორისო ბაზარს ხანმოკლე პაუზის შემდეგ უბრუნდება, მას შემდეგ, რაც საერთაშორისო ექვსეულმა და თეირანმა ბირთვული პროგრამის საკითხთან დაკავშირებით შეთანხმებას მიაღწიეს. თეირანი სანქციების გაუქმების სანაცვლოდ ბირთვული პროგრამის შეზღუდვას დათანხმდა.
