ოთხი გმირი, რომლებმაც ამსტერდამი-პარიზის მატარებელში ტერორისტული თავდასხმა აღკვეთეს, საფრანგეთის ხელისუფლებამ დააჯილდოვა. კრის ნორმანს, სპენსერ სტოუნს, ენტონი სედლერსა და ალექს სკარლატოს სახელმწიფო ჯილდოები გადასცეს. საპატიო ლეგიონის ორდენით ისინი პირადად პრეზიდენტმა ოლანდმა დააჯილდოვა. ინციდენტი გასულ კვირას ქალაქ არასთან მოხდა. სამგზავრო მატარებელში შეჭრილმა ტერორისტმა უმისამართო სროლა ატეხა, რის შედეგადაც რამდენიმე ადამიანი დაიჭრა. თავდამსხმელი ოთხმა მგზავრმა გაანეიტრალა და პოლიციას ჩააბარა.
