ჩრდილოეთ და სამხრეთ კორეას შორის დაძაბულობის განსამუხტად მოლაპარაკება მიმდინარეობს. მას შემდეგ, რაც საარტილერიო ცეცხლის გაცვლამ და ერთმანეთის მიმართ მუქარამ მხარეები ომის საფრთხემდე მიიყვანა, მაღალი რანგის ოთხმა ოფიციალურმა პირმა მოლაპარაკება 22 აგვისტოს დაიწყო და დღეს განაახლა.
უცხოური მედიის ინფორმაციით, მსჯელობენ ფხენიანის მიერ სეულისათვის წაყენებულ ულტიმატუმზე - ბოლო მოუღოს ჩრდილოეთ კორეის საწინააღმდეგო პროპაგანდას. წინააღმდეგ შემთხვევაში ფხენიანი ომით იმუქრება.
გაერო, შეერთებული შტატები და ჩინეთი მხარეებს თავშეკავებისაკენ მოუწოდებენ.
