დღეს, 3 მაისს, 18:00 საათზე საარჩევნო სუბიექტების განაცხადების რეგისტრაციაში გატარების ვადა ამოიწურება.
30 მაისის ადგილობრივი თვითმმართველობის არჩევნებისთვის საარჩევნო სუბიექტების განაცხადების რეგისტრაციაში გატარების ვადის ერთი დღით გახანგრძლივების გადაწყვეტილება ცესკომ გუშინ, 2 მაისს გამართულ სხდომაზე მიიღო.
როგორც სხომაზე აღინიშნა, ვადის გახანგრძლივებით პოლიტიკურ სუბიექტებს მიეცემათ საშუალება გაასწორონ წარმოდგენილ დოკუმენტაციებში აღმოჩენილი უზუსტობები.
შეგახსენებთ, რომ 30 მაისის ადგილობრივი თვითმმართველობის არჩევნებში მონაწილეობას 17 პოლიტიკური სუბიექტი მიიღებს.
