საქართველომ დაიმსახურა და გააკეთა ყველაფერი პარტნიორობისთვის, ავღანეთში და სხვაგანაც ნატოსთან გვერდში დგომით, - ამის შესახებ კავკასიასა და ცენტრალურ აზიაში ნატოს გენერალური მდივნის სპეციალურმა წარმომადგენელმა ჯეიმს აპატურაიმ ,,საზოგადოებრივი მაუწყებლისთვის” მიცემულ ინტერვიუში განაცხადა.
მისივე თქმით, საქართველოში ნატო-საქართველოს ერთობლივი საწვრთნელი ბაზის შექმნის მიზანი ვინმესთვის თავდასხმა არ არის და იგი მხოლოდ მჭიდრო პარტნიორობის სიგნალია.
,,ჩვენ ვამახვილებთ ყურადღებას პრაქტიკულ ელემენტებზე, ანუ, რას გააკეთებს ცენტრი იმისთვის, რომ გაიზარდოს ნატოსთან თავსებადობა. საქართველომაც გაუზიაროს გამოცდილება პარტნიორებს და ყველაზე მთავარი, რაც წერია არსებით პაკეტში - თითოეულმა ამ ნაბიჯმა საქართველო მომავალი წევრობისთვის უნდა მოამზადოს.
ასე რომ, ცენტრს აქვს ძალიან მკაფიო სარგებელი. რა თქმა უნდა, ეს არის სიგნალი ჩვენი მჭიდრო თანამშრომლობის და პარტნიორობის. საქართველომ დაიმსახურა და გააკეთა ყველაფერი პარტნიორობისთვის, ავღანეთში და სხვაგანაც ნატოსთან გვერდში დგომით, ასევე გატარებული რეფომებით. ეს არ ნიშნავს საქართველოს შეირაღებული ძალების გაწვრთნას იმისათვის, რომ ვინმეს ისინი თავს დაესხან. თუ რუსეთი მოახდენს სხვადასხვაგვარ ინტერპრეტაციას, ეს ნიშნავს, რომ რუსეთს სურს ინტერპრეტაცია და არა იმიტომ, რომ არსებული ფაქტები ხელს უწყობს ასეთი დასკვნების გაკეთებას” - აღნიშნა აპატურაიმ .
