საპარლამენტო უმრავლესობის წევრი გია ვოლსკი აცხადებს, რომ საქართველოს პრემიერ -მინისტრისა და რუსეთის პრეზიდენტის შემთხვევით შეხვედრა გამორიცხული არაა, თუმცა ამისთვის მოსამზადებელი სამუშაო არ ჩატარებულა.
”დერეფნებში შეხვედრის თემა ყოველთვის იყო აქტუალური, თუმცა ესეც გარკვეულწილად ორგანიზებას ექვემდაბარება და ასეთი არც ორგანიზება და არც შემთხვევით გვერდზე გავლა დაგეგმილი არ არის. თუმცა, გამორიცხული არაფერია. მაგრამ ჩვენს შემთხვევაში ესეთი შეხვედრა ვფიქრობ შესაძლებელი არ იქნება”, - აღნიშნა გია ვოლსკიმ.
რუსეთის საგარეო საქმეთა მინისტრმა სერგეი ლავროვმკა დღეს განაცხადა, რომ ვლადიმერ პუტინი ამერიკის შეერთებულ შტატებში ჩასვლას გეგმავს. მისი თქმით, სესიაზე მოსალოდნელია რეკორდული რაოდენობის სახელმწიფო და მთავრობის მეთაურების დასწრება და რუსეთის პრეზიდენტიც გეგმავს ამ ღონისძიებაში მონაწილეობის მიღებას.
"პრეზიდენტი გეგმავს გაეროს გენერალური ასამბლეის 70-ე სესიას დაესწროს. წელს ამ ფორუმის შვიდ ათეულ წელს აღვნიშნავთ, რომელიც მეორე მსოფლიო ომში გამარჯვების შემდეგ შეიქმნა", -აღნიშნავს ლავროვმა.
ვლადიმერ პუტინი პრეზიდენტის რანგში, აშშ-ში უკანასკნელად 2007 წელს იმყოფებოდა.
