ისლამური სახელმწიფო ბელგიას ემუქრება. მუქარის მიმართვა ანტვერპენის მცხოვრებმა აბდელა ნუამანმა გაავრცელა, რომელიც ჯიჰადისტთა მხარეს საბრძოლველად გადავიდა. მისი თქმით, უახლოეს ხანებში ისლამური სახელმწიფოს სამიზნე ბელგიის სკოლები, საავადმყოფოები, სავაჭრო ცენტრები, დისკოტეკები და მასობრივი თავშეყრის სხვა ადგილები გახდება. ნუამანი, იგივე აბუ ჯიჰად ალ-ბელგიკი სირიაში 2013 წლიდან იმყოფება.
