”რუსთავი 2” ქიბარ ხალვაშის სარჩელის საპასუხოდ შესაგებელს სასამართლოში დღის ბოლომდე შეიტანს. ტელეკომპანიის იურისტის თამთა მურადაშვილის განცხადებით, სარჩელი იმდენად საფუძვლებს მოკლებულია, რომ წესით არ უნდა დააკმაყოფილონ.
”ჩვენ შევიტანთ დღის ბოლომდე შესაგებელს ქიბარ ხალვაშის სარჩელის საპასუხოდ, ჩვენი პოზიციების არის მყარი და იმედი გვაქვს, რომ სასამართლო სწორად იმსჯელებს. ანუ თავიდანვე, პირველივე გადახედვაზე როდესაც ვნახეთ სარჩელი, როგორეც ვთქვი, ჩვენი შეფასება გახლდათ ის, რომ სარჩელი იყო სასაცილო. შესაბამისად არანაირი საფუძვლით, წესით სარჩელი არ უნდა დაკმაყოფილდეს”, _ აცხადებს სამაუწყებლო კომპანია ”რუსთავი2”-ის იურისტი თამთა მურადაშვილი.
