მოსკოვის მანეჟზე მართლმადიდებელმა აქტივისტებმა გამოფენა, სახელწოდებით „სკულპტურები, რომლებსაც ვერ ვხედავთ“ დაარბიეს. გამოფენაზე გასული საუკუნის 60-70 იანი წლების ექსპონატები, მათ შორის, ვადიმ სიდურის, ნიკოლაი სილისას და ვლადიმერ ლემპორტის ნამუშევრები იყო გამოფენილი. პოლიციამ რამდენიმე მართლმადიდებელი აქტივისტი დააკავა. როგორც ერთ-ერთმა მათგანმა დიმიტრი ცორიონოვმა განაცხადა, გამოფენაზე გამოტანილი ექსპონატები მორწმუნეთა გრძნობებს შეურაცხყოფს, რის გამოც მოსკოვში მათი ადგილი არაა.
