შვეიცარიის ფედერალურმა საბჭომ ირანულ კომპანიებს სანქციები მოუხსნა. შეზღუდვები გაუქმდა ძვირფასი ლითონების, ნავთობისა და ნავთობპროდუქტების იმპორტზე. სანქციები აღარც ფიზიკურ და იურიდიულ პირებზე გავრცელდება. შესაბამისად, შვეიცარია პირველი ქვეყანა გახდა, რომელმაც თეირანს სანქციები ოფიციალურად გაუუქმა. ეს მას შემდეგ მოხდა, რაც ირანმა და საერთაშორისო ექვსეულმა თეირანის ბირთვულ პროგრამასთან დაკავშირებით შეთანხმებას მიაღწიეს.
