რუსეთის პირველმა დიპლომატმა არაკორექტულობით თავი კიდევ ერთხელ გამოიჩინა. მოსკოვში გამართულ პრესკონფერენციაზე მას ჟურნალისტები შემოელანძრა. ლავროვი სავარაუდოდ ერთ-ერთი ჟურნალისტის კითხვამ გააღიზიანა, რომელსაც სირიის საკითხთან დაკავშირებით დაგეგმილი შეხვედრის შესახებ სურდა ინფორმაციის მიღება. როგორც პრესკონფერენციის ჩანაწერში ისმის, რუსეთის საგარეო საქმეთა მინისტრმა სიტყვა „დებილი“ წარმოთქვა და უცენზურო ეპითეტიც მიაყოლა. მომხდართან დაკავშირებით კომენტარის გაკეთება რუსეთის საგარეო უწყების ინფორმაციისა და ბეჭდვის დეპარტამენტის უფროსს მოუხდა. მარია ზახაროვამ ლავროვის მხრიდან გინების ფაქტი კატეგორიულად უარყო.
