რუსეთი შეერთებული შტატებისთვის ერთ-ერთი ყველაზე საშიში ქვეყანაა. ამის შესახებ აშშ სახმელეთო ძალების შტაბის მეთაურმა რეიმონდ ოდიერნომ განაცხადა. „რუსეთი საფრთხეს წარმოადგენს ჩვენთვის რამდენიმე მიზეზის გამო. პირველ რიგში იმიტომ, რომ ის უკეთაა მომზადებული, ვიდრე ჩვენი სხვა პოტენციური მოწინააღმდეგეები. მაგალითისთვის, რუსეთს უკრაინაში რთული ოპერაციების ჩატარების პოტენციალი გააჩნია. სწორედ ამიტომ, აუცილებელია აღმოსავლეთ ევროპაში ნატოს სამხედრო პოტენციალი გავაძლიეროთ,“-აღნიშნა გენერალმა.
