კუბის დედაქალაქ ჰავანაში სამართალდამცავებმა 90 დემონსტრანტი დააკავეს, რომლებიც კუბისა და აშშ-ის დაახლოებას აპროტესტებდნენ.
დემონსტრაცია აშშ-ის საელჩოსთან გაიმართა, რომელზეც აშშ-ის დროშის აღმართვა 14 აგვისტოს იგეგმება.
დემონსტრანტების უმეტესობას ბარაკ ობამას გამოსახულებიანი ნიღბები ეკეთა.
დემონსტრანტები აცხადებდნენ, რომ აშშ თვალს ხუჭავს კუბაში ადამიანის უფლებების დარღვევის ფაქტებზე.
შეგახსნებთ, რომ კუბასა და აშშ-ს შორის დიპლომატიური ურთიერთობა 50 წლის წინ შეწყდა და წელს, 20 ივლისს, ვაშინგტონში კუბის საელჩოს გახსნით აღდგა.
