ჩეჩნეთის ლიდერს ახსნა-განმარტებების გაკეთება მოუხდა. ამის მიზეზი მისი ძვირფასი საათი გახდა, რომელიც რუსული მედიის ინფორმაციით, 16 მილიონი რუბლი (280 ათასი დოლარი ღირს). Greubel Forsey-ის ამ სერიის სულ 33 ეგზემპლარი არსებობს. ერთ-ერთი მათგანის მფლობელი კი რამზან კადიროვია. როგორც ჩეჩნეთის ლიდერი ირწმუნება, ის საათებს, ცივ იარაღს და სხვადასხვა აქსესუარებს ბავშვობიდან აგროვებს და საკმაოდ იშვიათი და ძვირფასი კოლექციის მფლობელია. კადიროვის თქმით, Greubel Forsey-ის საათი მისი კოლექციის ყველაზე ძვირადღირებული ნივთი არ არის.
