თურქეთში სახელისუფლო ძალებსა და ქურთულ შეიარაღებულ დაჯგუფებებს შორის შეტაკებები გრძელდება. სააგენტო როიტერის ინფორმაციით, ქალაქ სილოპისთან შეტაკებას 2 ადამიანი ემსხვერპლა, 10 კი მძიმედ დაიჭრა. შეტაკება მას შემდეგ დაიწყო, რაც სირიის საზღვართან თურქმა სამხედროებმა ქურთისტანის შრომის პარტიის მებრძოლების მიერ ამოთხრილი სანგრების ამოვსება დაიწყეს. ქურთებმა თურქებს ცეცხლი გაუხსნეს, რასაც მასშტაბური შეტაკებები მოჰყვა.
