ჩრდილოეთ კორეა 15 აგვისტოს დროს 30 წუთით უკან გადაწევს. ამის შესახებ სამხრეთ კორეული მედია იტყობინება. გავრცელებული ინფორმაციით, ფხენიანის გადაწყვეტილება იაპონური ოკუპაციიდან გათავისუფლების 70-ე წლისთავს უკავშირდება. ამ დროისათვის იაპონია, სამხრეთ და ჩრდილოეთ კორეა ერთ საათობრივ სარტყელში იმყოფებიან. დროის გადაწევას ფხენიანი იმით ხსნის, რომ ოკუპანტთა დროით ცხოვრება არ სურს.
