აშშ პრეზიდენტობის კანდიდატმა დონალდ ტრამპმა განაცხადა, რომ საკუთარი სიტყვების უკან წაღებას არ აპირებს. საუბარია ერთ-ერთ წინასაარჩევნო შეხვედრაზე, სადაც ტრამპმა ღიად განაცხადა, რომ მექსიკიდან შეერთებულ შტატებში მხოლოდ კრიმინალები და მოძალადეები ემიგრირებენ. ამის გამო ტრამპს ლათონოამერიკული ელექტორატი გაუნაწყენდა, თუმცა პრეზიდენტობის კანდიდატმა თავისი პოზიცია კიდევ ერთხელ გაიმეორა. ტრამპის თქმით, რომ არა ის, ქვეყანაში ემიგრაციის პრობლემებზე არავინ ისაუბრებდა.
