პარიზი მოსკოვს ჩაშლილი კონტრაქტის გამო ჯარიმას არ გადაუხდის. ამის შესახებ საფრანგეთის პრეზიდენტმა ფრანსუა ოლანდმა განაცხადა. „მე არაერთხელ ვესაუბრე რუსეთის პრეზიდენტს. ჩვენ შევთანხმდით, რომ საფრანგეთი რუსეთს გემებში გადახდილ თანხას დაუბრუნებს და გაწეულ ხარჯებს აუნაზღაურებს, მაგრამ არანაირი ჯარიმის გადახდას არ ვაპირებთ,“-აღნიშნა ოლანდმა. მისტრალის ტიპის ორი სამხედრო გემი საფრანგეთს რუსეთისთვის ჯერ კიდევ ნოემბერში უნდა გადაეცა, თუმცა კონტრაქტი უკრაინაში განვითარებული მოვლენების გამო ჩაიშალა.
