პუტინის რეჟიმს ქვეყანაში მასობრივი გამოსვლებისა და არეულობების ეშინია. კრემლში უკვე ემზადებიან მისი ჩახშობისა და ნეიტრალიზებისთვის. აღნიშნულის შესახებ საუბარია აშშ-ის კერძო სადაზვერვო-ანალიტიკური კომპანიის Stratfor-ის ანგარიშში.
„იმ პირობებშიც კი, როდესაც ვითარება შედარებით მშვიდად გამოიყურება, კრემლში კარგად ესმით, რომ რეალური საფრთხე სოციალური სტაბილურობისთვის რეგიონებში დიდი დავალიენების წარმოქმნისას დადგება“, - ნათქვამია Stratfor-ის მოხსენებაში.
„ჩრდილოვანი სადაზვერვო სამსახური“ მიიჩნევს, რომ რუსეთის მთავრობას არ გააჩნია სახსრები 83 რეგიონის შესანახად. სანაცვლოდ კრემლი ხარჯავს რესურსებს მოსალოდნელი საპროტესტო აქციების ჩასახშობად. ამ მიზნით რუსეთის მთავრობა ძალოვან უწყებებს შესაბამის, მათ შორის საკანონმდებლო, ინსტრუმენტებს აძლევს.
Stratfor-ის ექსპერტები აღნიშნავენ, რომ გასულ თვეს რუსეთის დუმამ მიიღო მთელი რიგი კანონები, რომელიც ზრდის პოლიციის შესაძლებლობებს. მათ შორის პოლიციას, ცალკეულ შემთხვევებში, სამოქალაქო პირების მიმართ იარაღის გამოყენების უფლებას ანიჭებს. ეს ნორმები ამ დრომდე არ იყო კანონში გაწერილი.
Stratfor-ი ყურადღებას მიაპრყრობს იმ გარემოებას, რომ კრემლის ნების საფუძველზე, სახელმწიფიო დუმის არჩევნები, 2016 წლის დეკემბრის ნაცვლად სექტემბერში გაიმართება. ამ ცვლილების მოტივად, მიჩნეულია ის გარემოება, რომ ოპოზიცია ვერ შეძლებს ზაფხულის შემდგომ - პირველსავე თვეს, საპროტესტო აქციების ორგანიზებას. არ გამოირიცხება ვარიანტი ამ მიმართულებით კიდევ ერთი ცვლილება განხორციელდეს და არჩევნები უფრო ადრეც ჩატარდეს. ეს ვარიანტი განხორციელდება იმ შემთხვევაში, თუ კრემლი ქვეყანაში ეკონომიკური მდგომარეობის გაუმჯობესებას ვერ შეძლებს.
ანალიტიკოსები ასკვნიან, რომ თუ რუსეთის ეკონომიკის გაჯანსაღება არ დაიწყება, მოსკოვში საკმაოდ გრძელვადიანი საპროტესტო გამოსვლებია მოსალოდნელი.
