ქიბარ ხალვაშის მიერ რუსთავი 2“-ის წინააღმდეგ სარჩელის შეტანას ორ სუბიექტს შორის დავად მიიჩნევს საქართველოს პრემიერ-მინისტრი ირაკლი ღარიბაშვილი და დასძენს, რომ „ამაში მთავრობის როლი არის ნულის ტოლფასი“.
„რაც შეეხება ამ კონკრეტულ დავას, კომენტარს ვერ გავაკეთებ, გარდა იმისა, რომ შემიძლია ავღნიშნო, რომ მე როგორც პრემიერი და როგორც მოქალაქე ვარ მომხრე ყოველგვარი სამართლიანობის აღდგენის, თუმცა ეს არის ორ სუბიექტს შორის დავა და მე ვფიქრობ, რომ ამას სასამართლო გადაწყვეტს, ასე რომ ამაში მთავრობის როლი არის ნულის ტოლფასი“, - განაცხადა ღარიბაშვლმა.
მისი თქმით, პრემიერს არავითარი ინფორმაცია არ აქვს გარდა იმისა „რაც გუშინ მოვისმინეთ, რომ ქიბარ ხალვაში მიმართავს სასამართლოს, რომ თავისი დარღვეული უფლებები აღიდგინოს“.
პრემიერის განმარტებით, ხელისუფლებისთვის ყველაზე მნიშვნელოვანია თავისუფალი მედიის განვითარებას ხელშეწყობა.
„ჩვენთვის არის ყველაზე მნიშვნელოვანი, რომ თავისუფალი მედიის განვითარებას ხელი შევუწყოთ და ყველამ ნახა, რომ ჩვენ მედიის განვითარებას ვეხმარებით, რომ მედია იყოს თავისუფალი, სხვა შემთხვევაში სხვა ნება რომ ყოფილიყო პროცესები ასე არ გაგრძელდებოდა. მთავრობის ნება არის, რომ მაქსიმალური თავისუფლება ჰქონდეს თავისუფალ მედიას“,-აცხადებს ირაკლი ღარიბაშვილი.
