ბელარუსის ლიდერი დარწმუნებულია, რომ დონბასი დროთა განმავლობაში უკრაინას დაუბრუნდება. ალექსანდრ ლუკაშენკოს თქმით, გაცილებით რთულად ყირიმის საკითხი დგას. „რუსეთში უკრაინასთან კონფლიქტი ყელში აქვთ ამოსული. არც ის მჯერა, რომ უკრაინის ხელისუფლებას მშვიდობა არ სურს. ამიტომ, დარწმუნებული ვარ, კონფლიქტი დასრულდება. დონბასი უკრაინას დაუბრუნდება, რასაც გარკვეული დრო დასჭირდება და დაუბრუნდება ისე, როგორც ეს უკრაინის ნაციონალისტურად განწყობილ ხელისუფლებას სურს. რაც შეეხება ყირიმს, აქ უკვე საქმე რთულად გვაქვს. ყირიმის დაბრუნება უკრაინის შემადგენლობაში პრაქტიკულად შეუძლებელი იქნება,“-აღნიშნა ლუკაშენკომ.
