გერმანიის იუსტიციის მინისტრმა გენერალური პროკურორი თანამდებობიდან გადააყენა. ამის მიზეზი ჰერალდ რანგეს სკანდალური განცხადებები გახდა. ის გერმანიის მთავრობას სახელმწიფოს ღალატში ბრალდებული ჟურნალისტების საქმეში ჩარევაში ადანაშაულებდა. საიტ Netzpolitik.org-ის ჟურნალისტებს პროკურატურა სახელმწიფო საიდუმლოს გასაჯაროებაში სდებდა ბრალს. საბოლოოდ საქმე დაიხურა, რასაც რანგეს ხმაურიანი განცხადებები მოჰყვა. გენერალური პროკურორი აცხადებდა, რომ გამოძიების შეწყვეტის დირექტივა ბერლინისგან მოდიოდა.
