ვითარება კალეში კონტროლს ექვემდებარება. ამის შესახებ ოფიციალური ლონდონი აცხადებს. საგარეო საქმეთა მინისტრის, ფილიპ ჰემონდის განმარტებით, ევროგვირაბის დაცვის უზრუნველსაყოფად ბრიტანულმა მხარემ უშიშროების 100 თანამშრომელი გამოყო. ასევე გეგმიურად ხორციელდება დამცავი ბარიერების მონტაჟი. ვითარება კალეში მას შემდეგ დაიძაბა, რაც არალეგალმა ემიგრანტებმა ლა მანშის გვირაბზე შტურმის მიტანა დაიწყეს. ბრიტანეთის ტერიტორიაზე მოხვედრას გვირაბის გავლით ყოველდღიურად ასობით არალეგალი ცდილობს. მხოლოდ ბოლო 48 საათის განმავლობაში პოლიციამ 700-მდე აფრიკელი მიგრანტი დააკავა.
