პრეზიდენტ გიორგი მარგველაშვილის განცხადებით, მისი გადაწვეტილება - ეროვნული ბანკის შესახებ კანონპროექტს დაადოს ვეტო, არაა პოლიტიკური დაპირისპირებისა და კონფრონტაციის საფუძველი. როგორც მარგველაშვილმა ჟურნალისტებთან განაცხადა, ვეტო კონსტიტუციური მექანიზმია.
,,ვეტო არ არის არც პოლიტიკური დაპირისპირების, არც კონფრონტაციის ინსტიტუტი. ვეტო არის კონსტიტუციური მექანიზმი იმისთვის, რომ სწორედ ასეთ შემთხვევებში, როდესაც ჩვენ შეგვიძლია უფრო ეფექტური კანონმდებლობა მივიღოთ, ხელი შევუწყოთ ქვეყნის განვითარებას, გაძლიერებას, ამ კონტექსტში ითანამშრომლოს პარლამენტმა, პრეზიდენტმა და მთავრობამ და ქვეყანას ერთად უკეთესი გადაწვეტილებები მისცეს”, _აღნიშნა პრეზიდენტმა.
პრეზიდენტმა იმედი გამოთქვა, რომ დეპუტატები კარგად დაფიქრდებიან და უფრო უკეთეს კანონს შეიმუშავებენ.
მარგველაშვილმა დღეს ,, ეროვნული ბანკის შესახებ” კანონპროექტს ვეტო დაადო.
