გაეროს უშიშროების რეზოლუციაზე რუსეთის მიერ ვეტოს დადების ფაქტს უკრაინის ლიდერი ეხმაურება. პეტრო პოროშენკოს თქმით, რუსეთმა ამით თავისი თავი კიდევ ერთხელ ამხილა. „უკრაინა ყველაფერს გააკეთებს იმისათვის, რომ მალაიზიური თვითმფრინავის ჩამომგდები პირები დაისაჯონ. ეს ჩვენი ვალია,“-აცხადებს უკრაინის პრეზიდენტი. მალაიზიური ბოინგი სეპარატისთა მიერ კონტროლირებად დონბასში გასული წლის ივლისში ჩამოაგდეს, რასაც 298 ადამიანი ემსხვერპლა. მალაიზიამ საქმის საერთაშორისო ტრიბუნალისთვის გადაცემის ინიციატივა დააყენა, თუმცა გაეროს უშიშროების საბჭოს რეზოლუციას, რომელსაც მხარი საბჭოს 11-მა წევრმა ქვეყანამ დაუჭირა, რუსეთმა ვეტო დაადო.
