რუსეთი ყირიმზე უარს არასდროს იტყვის. ამის შესახებ სახელმწიფო დუმის სპიკერმა სერგეი ნარიშკინმა განაცხადა. მისივე თქმით, რუსეთთან მიერთების შესახებ გადაწყვეტილება ნახევარკუნძულის მცხოვრებლებმა საყოველთაო რეფერენდუმზე მიიღეს და მოსკოვს მათი ნების წინააღმდეგ წასვლა არ შეუძლია. ანალოგიური განცხადება ნარიშკინმა გასულ კვირასაც გააკეთა. მისი მტკიცებით, 1991 წელს უკრაინამ ფაქტიურად ყირიმის ნახევარკუნძულის მშვიდობიანი ანექსია მოახდინა.
