თავდაცვის მინისტრი თინა ხიდაშელი ავსტრიულ გერმანულენოვან გაზეთ ,,Kurier”-თან ინტერვიუში, საქართველო-ნატოს უერთიერთობაზე საუბრობს და აცხადებს, რომ საქართველომ ალიანსთან დასაახლოვებლად ყველა ტექნიკური სამუშო შეასრულა.
,,ჩვენი მხრიდან ყველა ტექნიკური სამუშაო შევასრულეთ. ახლა რაც გვაკლია, ეს არის პოლიტიკური გადაწყვეტილება მაპის მისაღებად და საბოლოოდ, გაწევრიანება, რასაც 2008 წლის ბუქარესტის სამიტზე დაგვპირდნენ”, _აცხადებს თავადაცვის მინისტრი, რომელიც ჟურნალისტის კითხვაზე საქართველო მომდევნო 10 წელიწადში გახდება თუ არა ნატოს წევრი, პასუხობს:
,,რეალურად რომ შევხედოთ, ეს შესაძლებელია 10 წელიწადში, ერთ წელიწადში, ნებისმიერ დროს მოხდეს. მზად უნდა ვიყოთ, შანსი ხელიდან არ გავუშვათ. ველოდებით ჩვენს შანსს”, _განაცხადა ხიდაშელმა.
,,Kurier”-ის ჟურნალისტის კითხვაზე ,,უკრაინაში ომმა მეორე მხრივ, ნატოს სუსტი მხარეები ცხადი გახადა. ნამდვილად არის ნატო უსაფრთხოების ფაქტორი თუ შესაძლოა, უფრო მეტად რისკთან იყოს დაკავშირებული?”-ხიდაშელი პასუხობს:
,,ეს დამოკიდებულია იმაზე, თუ რა კუთხიდან, მოსკოვის გადასახედიდან შევხედავთ სიტუაციას, თუ თბილისის თვალით დავაკვირდებით. დღეს ნატო უფრო ძლიერია, ვიდრე 2008 წელს, როდესაც ჩვენ რუსეთთან ვიყავით ომში ჩართული. როდესაც რუსეთს გაცნობიერებული არ აქვს, რას წარმოადგენს ნატოს პრინციპები, რას შეაჩერებს ის? ჩვენთვის მაპის მიცემა ნატოს გააძლიერებს. ნატოს ჩვენ ვჭირდებით მეტად, ვიდრე ჩვენ ნატო, როგორც პოლიტიკური სიგნალი რუსეთისთვის”, _აცხადებს თინა ხიდაშელი.
