ავსტრიულ გერმანულენოვან გაზეთ ,,Kurier”-თან ინტერვიუში თავდაცვის მინისტრმა თინა ხიდაშელმა საქართველოს ნატოში ინტეგრაციის პერსპექტივებსა და ევროკავშირთან ურთიერთობის საკითხებზე ისაუბრა. შტეფან შოხერთან ინტერვიუში საუბარი საქართველოსა და რეგიონში არსებულ საფრთხეებსაც შეეხო.
ხიდაშელის თქმით, არ შეიძლება ნატომ ან ევროკავშირმა მომავალშიც ისე იმოქმედონ, როგორც ამას დღეს აკეთებენ.
ჟურნალისტის კითხვაზე ,,აფხაზეთისა და სამხრეთ ოსეთის სეპარატისტულ ტერიტორიებზე რუსული შენაერთები დგანან და რუსეთმა მათი დამოუკიდებლობა აღიარა. ხომ არ აშინებს ეს ნატოს, ხომ არ არის დამაბრკოლებელი ფაქტორი?”_თავდაცვის მინისტრი განმარტავს:
,,გაწევრიანების პროცესში შესაძლებელია, მაგრამ მაპის მიღებასთან დაკავშირებით ამ ფაქტორს ვერ ვხედავ. კოლექტიური უსაფრთხოება არ არსებობს. თუ რუსეთი უკრაინაში წარმატებას მიაღწევს, მაშინ უკრაინით აღარ დაკმაყოფილდება. არ შეიძლება ნატომ ან ევროკავშირმა მომავალშიც ისე იმოქმედონ, როგორც ამას დღეს აკეთებენ მხოლოდ რეაქციის სახით. ბევრი საშუალება არსებობს, აქ დედაქალაქებში ბევრი გადაწყვეტილება უნდა იქნას მიღებული. სამწუხაროდ, თბილისში ჩვენი შესაძლებლობები შეზღუდულია. ჩვენ საკუთარი არჩევანი გავაკეთეთ. 2016 წელს ნატოს ვარშავის სამიტმა კონკრეტული პასუხი უნდა გაგვცეს. დადგა მომენტი, როდესაც ჩვენ კიდევ მოთმინების რეჟიმში ყოფნა აღარ შეგვიძლია”, _აცახდებს ხიდაშელი.
