ავღანეთის ხელისუფლება თალიბთა ლიდერის დაღუპვის ფაქტს ადასტურებს. ოფიციალური ქაბულის განცხადებით, მულა მუჰამედ ომარი 2013 წლის აპრილში პაკისტანში დაიღუპა. მულა ომარი თალიბთა დაჯგუფებას სათავეში ავღანეთიდან საბჭოთა ჯარების გაყვანის შემდეგ ჩაუდგა, რის შემდეგაც თალიბებმა ქვეყანაზე კონტროლი დაამყარეს. 2001 წელს ავღანეთში ამერიკული ინტერვენციის შემდეგ კი ის კოალიციური ძალების წინააღმდეგ აქტიურ ბრძოლას აწარმოებდა. მულა ომარზე ინფორმაციისთვის ვაშინგტონს ჯილდოდ 10 მილიონი დოლარი ჰქონდა დაწესებული.
