რუსეთის წინააღმდეგ სანქციებს ევროპის კიდევ 6 ქვეყანა შეუერთდა. ამის შესახებ ევროკავშირის საგარეო პოლიტიკის კოორდინატორმა ფედერიკა მოგერინიმ განაცხადა. მისივე თქმით, რუსეთს სანქციებს მონტენეგრო, ალბანეთი, ისლანდია, ლიხტენშტეინი, ნორვეგია და უკრაინაც დაუწესებს. აღნიშნულმა ქვეყნებმა ბრიუსელს საკუთარი გადაწყვეტილების შესახებ ოფიციალურად უკვე აცნობეს. უკრაინის წინააღმდეგ განხორციელებული აგრესიისა და მინსკის შეთანხმების პირობების შეუსრულებლობის გამო ევროკავშირმა რუსეთს სანქციები მომავალ წლამდე გაუგრძელა.
