ლიბიის ყოფილი ლიდერის, მოამარ გადაფის ვაჟისთვის სასიკვდილო განაჩენის გამოტანის გამო ადამიანის უფლებათა დაცვის საერთაშორისო ორგანიზაცია შეშფოთებას გამოთქვამს. Amnesty International-ის განცხადებით, საიფ გადაფისა და ყოფილ მაღალჩინოსანთა საქმე საერთაშორისო სასამართლოს უნდა გადაეცეს. გადაფის ვაჟი 2011 წელს ქალაქ ზინტანში ამბოხებულებმა დაატყვევეს. მას ბრალი კაცობრიობის წინაშე ჩადენილ დანაშაულში დასდეს და სასჯელის უმაღლესი ზომა მიუსაჯეს.
