პრემიერ-მინისტრი ირაკლი ღარიბაშვილი ეროვნული ბანკის კანონთან დაკავშირებით არსებულ ვითარებას ხელოვნურ აჟიოტაჟს უწოდებს, რომელიც აზიანებს ქვეყანაში ბიზნესგარემოს.
მისივე თქმით, ყველა ის შენიშვნა, რომელიც გამოთქმული იყო გათვალისწინებულია.
,,,კატეგორიულად მიუღებელია ის აჟიოტაჟი რომელიც ხელოვნურად ატეხეს ე.წ. ოპონენტებმა. სამწუხაროდ, პრეზიდენტი შეუერთდა მათ აჟიოტაჟსა და ჟრიამულს. ყველა ის რეკომენდაცია რომელიც იყო წარმოდგენილი ევროკავშირის, საერთაშორისო საფინანსო ინსტიტუტების მხრიდან სრულად გათვალისწინებული იქნა. Eეს არის ხელოვნურად აგორებული კამპანია, რომელიც აზიანებს საქართველოში ბიზნესგარემოს. Aამ ადამიანებს არ ესმით საერთოდ რა არის სახლემწიფო და სახელმწიფო ინტერესები”, _განაცხადა ჟურნალისტებთან ღარიბაშვილმა.
შეგახსენებთ, რომ პრეზიდენტი ეროვნული ბანკიდან საზედამხედველო ფუნქციის გამოყოფას არ ეთანხმება და არაა გამორიცხული ეროვნული ბანკის შესახებ კანონს ვეტო დაადოს.
