თბილისში, ჩუღურეთის რაიონში, აღმაშენებლის გამზირზე # 115 „თავისუფალი დემოკრატების“ თბილისის ორგანიზაციის კიდევ ერთი მე-6-ე რაიონული ოფისი გაიხსნა.
პარტიის ცნობით, ოფისის გახსნას ‘’თავისუფალი დემოკრატების’’ ლიდერები ზურაბ აბაშიძე, ჩუღურეთის რაიონის მაჟორიტარი დეპუტატი ვიქტორ დოლიძე და გიორგი ცაგარეიშვილი დაესწრნენ.
ოფიციალურ გახსნამდე პარტიის ლიდერები ოფისთან შეკრებილ მხარდამჭერებს და ადგილობრივ მოსახლეობას შეხვდნენ. თბილისის ორგანიზაციის ჩუღურეთის რაიონულ ოფისს კახა ონიანი უხელმძღვანელებს, მოადგილე და აღმასრულებელი მდივანი არჩილ გიუნაშვული იქნება.
“მე მინდა ყველას მივულოცო თბილისში „თავისუფალი დემოკრატების“ კიდევ ერთი ოფისის გახსნა. ეს ოფისი ყოველდღიურ რეჟიმში იმუშავებს, იმათთვის ვისაც სჯერა „თავისუფალი დემოკრატების“ და იმისი, რომ ქვეყნისთვის, დედაქალაქისთვის და თითეული რაიონისთვის უფრო მეტი უნდა გაკეთდეს” –განაცხადა ზურაბ აბაშიძე.
