თურქეთი ნატოს საგანგებო სხდომის ჩატარებას ითხოვს, რომელზეც “ისლამურ სახელმწიფოსა” და ქურთ სეპარატისტებთან ბრძოლის კოორდინაციის საკითხი უნდა იქნას განხილული. სხდომა ბრიუსელში სავარაუდოდ კვირის ბოლომდე გაიმართება. ევროკავშირი და ნატო ანკარას ტერორიზმთან ბრძოლაში მხარდაჭერას უცხადებენ, თუმცა ქურთებთან ახალი კონფლიქტის დაწყებისგან თავის შეკავებას ურჩევენ. ვითარება თურქეთში მას შემდეგ დაიძაბა, რაც ქურთების მიერ განხორციელებულ ტერაქტს 2 სამხედრო მოსამსახურე ემსხვერპლა. პასუხად თურქულმა ავიაციამ ქურთული დასახლებები დაბომბა.
