საოკუპაციო ხაზის გადმოწევასთან დაკავშირებით მომზადებული რეზოლუციის პროექტების თაობაზე, პარლამენტის რიგგარეშე სხდომაზე, უმცირესობასა და უმრავლესობას შორის პოლიტიკური დებატები მიმდინარეობს.
ჩვენ, სამწუხაროდ, რუსეთთან ორი მარცხი ვიწვნიეთ – ერთი 2008 წელს და მეორე - 2012 წელს, როდესაც რუსეთის ხელისუფლებას არამხოლოდ სამხეთ ოსეთსა და აფხაზეთზე დავუთმეთ კონტროლი, არამედ მთელს საქართველოზე, - აღნიშნა ოპოზიციონერმა დეპუტატმა აკაკი ბობოხიძემ. მისი თქმით, განსხვავება მხოლოდ ის არის, რომ დღეს ბანერი თბილისში არ დგას.
,,თქვენ ზიხართ მატარებელში, რომელსაც ქვეყანა მოსკოვისკენ მიჰყავს, მაგრამ გარწმუნებთ, ეს გზა ბოლომდე ვერ გავა", - მიმართა კოლეგებს ბობოხიძემ.
საპარლამენტო უმრავლესობის წევრი გუბაზ სანიკიძე კი აცხადებს, რომ საქართველო კიდევ ერთ სამხედრო კონფლიქტს ვერ გაუძლებს – იგი გაიხერხება შუაში.
,,მიხეილ სააკაშვილმა კონფლიქტის მოგვარების ახალი მეთოდი – ტერიტორიების დისკოთეკებით დაბრუნება მოიგონა, რაც არც ერთმა კონფლიქტმა არ იცის”, - განაცხადა სანიკიძემ.
რეზოლუციის პროექტი პარლამენტმა დღეს უნდა მიიღოს.
