ოდესის გუბერნატიორი შრომის კოდექსში ცვლილებების შეტანას მოითხოვს. მიხეილ სააკაშვილის თქმით, კანონი მთლიანად შესაცვლელია. „ჩვენ ვსაუბრობთ იმაზე, რომ კოდექსი მთლიანად უნდა შეიცვალოს, რადგანაც არსებული კოდექსით არავინაა უფრო დაცული, ვიდრე ადგილობრივი ჩინოვნიკები, მაშინ, როდესაც არავინ უწამლავს ცხოვრებას ისე ადამიანებს, როგორც ჩინოვნიკები. ჩვენ ისინი უნდა გავყაროთ, მაგრამ ამას კოდექსის გამო ვერ ვახერხებთ. ისინი თანამდებობებზე რჩებიან და საბოტაჟითა და გამომძალველობით არიან დაკავებულნი,“-აღნიშნა სააკაშვილმა.
