ნორმანდიულმა ოთხეულმა აღმოსავლეთ უკრაინის კრიზისი კიდევ ერთხელ განიხილა. უკრაინის, რუსეთის, გერმანიისა და საფრანგეთის ლიდერებმა სატელეფონო კონფერენცია გამართეს. მათ მინსკის შეთანხმების რეალიზების საკითხები განიხილეს და ე.წ. ურთიერთშეხების ხაზიდან 100 მილიმეტრიანი კალიბრის შეიარაღების გაყვანაზე იმსჯელეს. უკრაინის პრეზიდენტმა დონბასში არსებული ვითარების გამო შეშფოთება კიდევ ერთხელ გამოთქვა, კრემლის ლიდერმა კი მას სეპარატისტებთან პირდაპირი დიალოგისკენ მოუწოდა. პუტინის თქმით, კიევმა დონეცკსა და ლუგანსკს განსაკუთრებული სტატუსი უნდა მიანიჭოს.