ფრანგ პარლამენტართა ჯგუფი გადაწყვეტილების შეცვლას არ აპირებს. მოსკოვში ვიზიტის შემდეგ ისინი ანექსირებულ ყირიმის ნახევარკუნძულზე ჩასვლას გეგმავენ. ოფიციალურმა პარიზმა დეპუტატთა ქმედებებს მკაცრი შეფასება მისცა, ოფიციალურმა კიევმა კი ღიად განაცხადა, რომ ფრანგ კანონმდებელთა ვიზიტს ყირიმში უპასუხოდ არ დატოვებს. დელეგაცია სულ 10 წევრისგან შედგება. მათ საგარეო ურთიერთობათა კომიტეტის წევრი ტიერი მარიანი ხელმძღვანელობს.
