ოდესაში ჩატარებული ხმაურიანი აქციებისა და მილიარდერთა კუთვნილებაში არსებულ ტერიტორიებზე ღობეების დანგრევის შემდეგ საქართველოს ყოფილი პრეზიდენტი ილჩიევსკის პორტის ხელმძღვანელს დაუპირისპირდა. სააკაშვილმა იური კრუკის წინააღმდეგ სისხლის სამართლის საქმის აღძვრაც მოითხოვა. „როდესაც გუბერნატორად დავინიშნე, უკვე გამოცხადებული იყო კონკურსი პორტის ხელმძღვანელის პოსტზე, თუმცა ჩემთვის გაუგებარი მიზეზების გამო კონკურსი გაუქმდა. ვეჭვობ, საქმე კორუფციული ინტერესების ლობირებასთან გვაქვს,“-აღნიშნა სააკაშვილმა.
