რესპუბლიკელი სენატორები ირანთან შეთანხმების ჩაშლით იმუქრებიან. საგანგებო განცხადება წარმომადგენელთა პალატის სპიკერმა გააკეთა. ჯონ ბენერის თქმით, თეირანთან გარიგება შეერთებული შტატების მოსახლეობას უქმნის საფრთხეს, რის გამოც თეთრი სახლის ადმინისტრაციას განმარტებების გაკეთება მოუწევს. ირანთან შეთანხმებას საერთაშორისო ექვსეულმა ორი კვირის წინ მიაღწია. სანქციების მოხსნის სანაცვლოდ თეირანი ბირთვული პროგრამის შეზღუდვას დათანხმდა. ამის შემდეგ დოკუმენტი დასამტკიცებლად თეთრი სახლის ლიდერმა კონგრესს გადასცა, თუმცა რესპუბლიკელები მის მხარდაჭერას არ აპირებენ. ობამა აცხადებს, რომ კონგრესის უარის შემთხვევაში ვეტოს უფლებას გამოიყენებს.
