დონალდ ტრამპმა თანაპარტიელ კონკურენტს იდიოტი უწოდა. უცენზურო ეპითეტით ამერიკის პრეზიდენტობის კანდიდატმა სამხრეთ კაროლინის სენატორი ლინდსი გრემი მოიხსენია. “ამას წინათ მოვისმინე, თუ როგორ მომიხსენია სენატორმა უვიცად, მე კი გეტყვით, რომ ის ნამდვილი იდიოტია. რამდენიმე წლის წინ მან დამირეკა და მთხოვა, ჩემი ტელეარხის, ფოქს ნიუსის ეთერში მასზე პოზიტიურად ელაპარაკათ და თავისი ნომერიც დამიტოვა, რომელსაც მოგცემთ და შეგიძლიათ დაურეკოთ,”-განაცხადა ტრამპმა სამხრეთ კაროლინელ ამომრჩევლებთან შეხვედრისას და მხარდამჭერებს გრემის ტელეფონის ნომერი მისცა. მოგვიანებით სენატორის პრეს-სამდივნომ დაადასტურა, რომ ნომერი ნამდვილად გრემს ეკუთვნის.
