იმისათვის, რომ გირაოს თანხა გადაიხადოს ფიფას ყოფილი ვიცე-პრეზიდენტი საკუთარ ქონებას და მეუღლის ძვირფასეულობას გაყიდის. ამის შესახებ სააგენტო „ასოშიეიდედ პრესი“ იტყობინება. გავრცელებული ინფორმაციით, ყოფილი მაღალჩინოსანი თავის ფერარის, რეინჯროვერსა და მერსედესს, ასევე, სხვადასხვა ბრენდის 11 ძვირფას საათს შეელევა. გარდა ამისა, ის უძრავი ქონების 10 ობიოექტს გაყიდის და მეუღლის ანგარიშიდან 401 ათას დოლარს გამოიტანს. იმ შემთხვევაში, თუ საკმარისი თანხა არ შეგროვდება, უებერი გირაოში საქორწინო ბეჭდებსა და ძვირფასეულობასაც ჩადებს. ფიფას ვიცე-პრეზიდენტს პრობლემები მას შემდეგ შეექმნა, რაც ის კორუფციასა და თაღლითობაში დაადანაშაულეს.
