ფიფას პრეზიდენტმა იოზეფ ბლატერმა თავის ხელფასზე კომენტარის გაკეთება არ ისურვა. ჟურნალისტების შეკითხვას მან თავი უკვე მეორედ აარიდა. ამასთან, ბლატერმა კიდევ ერთხელ დაადასტურა, რომ ვადამდელ საპრეზიდენტო არჩევნებში მონაწილეობას არ მიიღებს და პოსტის დატოვების შემდეგ თავის საყვარელ პროფესიას, ჟურნალისტიკას დაუბრუნდება. 79 წლის ბლატერი კორუფციულ სკანდალში მას შემდეგ გაეხვა, რაც შვეიცარიის პოლიციამ ფიფას რამდენიმე მაღალჩინოსანი კორუფციის, თაღლითობისა და გამოძალვის ბრალდებით დააპატიმრა.
