გაეროს უშიშროების საბჭომ ირანთან დაკავშირებით რეზოლუცია ერთხმად მიიღო. დამტკიცების შემდეგ დოკუმენტი საერთაშორისო სამართლებრივი აქტის სტატუსს იღებს. შეთანხმებას თეირანთან საერთაშორისო ექვსეულმა 14 ივლისს ვენაში მიაღწია. სანქციების გაუქმების სანაცვლოდ ირანი ბირთვული პროგრამის შეზღუდვას დათანხმდა. კენჭისყრამდე რამდენიმე საათით ადრე ირანის სულიერმა ლიდერმა აიათოლა ალი ჰამენეიმ ღიად განაცხადა, რომ შეთანხმება მხოლოდ ბირთვული პროგრამის საკითხს ეხება და ისლამური რესპუბლიკა შეერთებულ შტატებთან საგარეო პოლიტიკის საკითხებში არ ითანამშრომლებს.
