მასშტაბური ტერორისტული აქტი თურქეთის ქალაქ სურუჩში თვითმკვლელმა ტერორისტმა განახორციელა. ამის შესახებ ადგილობრივი მედია იტყობინება. გავრცელებული ინფორმაციით, თავი 18 წლის გოგონამ აიფეთქა, რომელიც შესაძლოა ისლამურ სახელმწიფოსთან იყო კავშირში. ცოტა ხნის წინ ეს ვერსია პრემიერმა ახმეტ დავიდოგლუმაც დაადასტურა. ტერაქტს, ბოლო მონაცემებით, 31 ადამიანი ემსხვერპლა, 100-მდე კი დაშავდა. რამდენიმე მათგანის მდგომარეობა ამ დრომდე კრიტიკულია, რის გამოც მსხვერპლი შესაძლოა გაიზარდოს.
