ევროპული საბჭოს პრეზიდენტი დონალდ ტუსკი აცხადებს, რომ ვიზალიბერალიზაციის მისაღებად, საქართველომ დამატებითი რეფორმები უნდა ჩაატაროს.
ამის შესახებ მან საქართველოს პრეზიდენტ გიორგი მარგველაშვილთან შეხვედრის შემდეგ გამართულ ერთობლივ პრესკონფერენციაზე განაცხადა.
მისივე თქმით, საქართველო ამჟამად ვიზალიბერალიზაციის პროცესისთვის საჭირო რეფორმებს ახორციელებს.
„საქართველო ამჟამად ახორციელებს რეფორმებს, რომელსაც მივესალმებით, მაგრამ თავისუფალი სავიზო რეჟიმისთვის დამატებითი რეფორმებია საჭირო. საქართველომ უნდა განაგრძოს ძალიან აქტიური მუშაობა კორუფციის, მიგრაციის, თავშესაფრის, ნარკოტიკების წინააღმდეგ და ტრეფიკინგის თვალსაზრისით მუშაობა“, - აღნიშნა ევროპული საბჭოს პრეზიდენტმა.
დონალდ ტუსკი დარწმუნებულია, რომ როდესაც საქმე ვიზალიბერალიზაციის სამოქმედო გეგმის შესრულების შეფასებამდე მივა, საქართველოს მზაობა მაღალი იქნება.
