საბერძნეთში დღეს, 3 კვირიანი პაუზის შემდეგ, ბანკები გაიხსნება, თუმცა შეზღუდვები ისევ გაგრძელდება და დღიური- 60 ევროიანი ლიმიტის ნაცვლად, მოსახლეობას კვირაში 420 ევროს გამოტანის შესაძლებლობა ექნება.
ქვეყანაში ასევე გაიზრდება დამატებითი ღირებულების გადასახადიც. ამჟამად, საბერძნეთისთვის კრიზისიდან გამოსვლის მიზნით, დამატებითი სესხის გამოყოფაზე გერმანიის ხელისუფლება მსჯელობს.
ბანკების გახსნა მას შემდეგ გახდა შესაძლებელი, რაც პარლამენტმა პრემიერ ციპრასისა და საერთაშორისო კრედიტორების მიერ შეთანხმებული რეფორმების პაკეტი დაამტკიცა, ევროზონამ კი გარდამავალი პერიოდისთვის ათენს 7 მილიარდი ევრო გამოუყო.
