იემენში შეტაკებები გრძელდება. ბოლო 2 დღის განმავლობაში ადენში მიმდინარე შეტაკებებს 43 ადამიანი ემსხვერპლა. დაღუპულთა უმრავლესობა მშვიდობიანი მცხოვრებია. სამოქალაქო დაპირისპირება იემენში მას შემდეგ დაიწყო, რაც ხუსიტმა ამბოხებულებმა სახელმწიფო გადატრიალება მოაწყვეს. სამთავრობო ძალებმა არაბული ქვეყნების კოალიციის დახმარებით ამბოხებულებს პოზიციები დაათმობინეს. ქვეყნიდან გაქცეული მთავრობის რამდენიმე წევრი ადენში უკვე დაბრუნდა, თუმცა პრეზიდენტი მანსურ ჰადი ჯერ კიდევ საუდის არაბეთში იმყოფება.
