მიცუბიში ბოდიშს იხდის. იაპონური კომპანიის ხელმძღვანელობა სინანულს გამოთქვამს იმის გამო, რომ მეორე მსოფლიო ომის პერიოდში ტყვედ ჩავარდნილ ამერიკელ სამხედროებს ავტოქარხნებში იძულებით ამუშავებდნენ. საჯარო ბოდიში მიცუბიშის მმართველი საბჭოს წევრებისგან 94 წლის ამერიკელმა ვეტერანმა ჯეიმს მერფიმ მიიღო, რომელიც მეორე მსოფლიო ომში ტყვედ ჩავარდა და მიცუბიშის ქარხნებსა და მაღაროებში აუტანელ პირობებში მუშაობდა. მისი ბედი 500-მდე ამერიკელმა ჯარისკაცმა გაიზიარა.
