საფრანგეთის ალპებში ჩამოვარდნილი თვითმფრინავის მგზავრების ნათესავები სოლიდურ კომპენსაციებს ითხოვენ. ამის შესახებ სააგენტო „როიტერი“ იტყობინება. გავრცელებული ინფორმაციით, ავიაკომპანია „ჯერმანვინგსის“ მიერ შეთავაზებული 25 ათასი ევრო მათ არ აკმაყოფილებს და კომპენსაციის სახით მილიონობით ევროს ითხოვენ. „ჯერმანვინჰზის“ კუთვნილმა ავიალაინერმა კატასტროფა 24 მარტს განიცადა, რასაც 150 ადამიანი ემსხვერპლა. როგორც მოგვიანებით დადგინდა, თვითმფრინავი დამხმარე პილოტმა მიზანმიმართულად ჩამოაგდო.
